Hejmpaĝo > Novaĵoj

Januara Esperanta Renkontiĝo en Pingtung,Taiwan




Januara Esperanta Renkontiĝo en Pingtung

-raportis Abengo

Laŭ la foto 13 anoj ĉeestis en la januara esperanta kunveno, kiu okazis sabate, la 13an de januaro 2018 ĉe la Kafejo Familio en Sun Yat-sen-a Parko en la urbo Pingtung.
Ĉi tiu kunveno antaŭe estis rezervita por la intermarkola renkontiĝo kun la gastoj el Zaozhuang, sed pro la malfacileco gajni la necesajn dokumentojn, ilia vizito estas prokastita. Ili povas nur veni al Kaohsiung je la 25a de januaro. Anstataŭ la renkontiĝo kun ĉinaj gastoj estis nur la kunveno por la lokaj esperantistoj. Tamen la kunveno havis internacian etoson, pro tio ke inter la partoprenantoj estis studentino de Ĉeĥio, du kanadanoj, po unu el Irano, Indonezio kaj Vjetnamio.
Unue Abengo donis 15-minutan prelegon pri la ĉina urbo Zaozhuang, Zaozhuang-a Universitato kaj la Esperanto-muzeo ene. Suprize la Zaozhuang-a Universitato havas pli ol 18000 studentojn kaj la areo de la universitato estas pli vasta ol 12 kvadratkilometroj. La loĝantaro de municipo Zaozhuang sumas je pli ol kvar milionoj kaj antaŭ kvar mil jaroj jam estis historia rekordo pri la civilazicio de Zaozhuang. Famuloj Mozi kaj Luban naskiĝis en Zaozhuang antaŭ 2500 jaroj.
Post la parolo de Abengo Fraŭlino Yuri Hirai donis prelegon pri Ĉeĥio. Ŝi estas interŝanĝa studentino el Ĉeĥio ĉe Pingtung-a Universitao, post kvin tagoj ŝi konkludos sian studon en Tajvano kaj revenos al Ĉeĥio. Ŝi per flua Esperanto fiere prezentis sian hejmlandon, ekzemple ŝi menciis la ĉekian komponiston Dvorak.
Laŭ la vico parolis Reza, kaj lia filino pri siaj spertoj ĉe la UK kaj IIK (Internacia Infana Kongreso). Ankaŭ Ingrid parolis pri siaj spertoj dum la partopreno en ILEI konferenco kun belaj fotoj. Mankis tempo por ĉiuj parolantoj, kaj ĉeestantoj, kiuj fakte povus ankaŭ iom rakonti. Ni faris grupfotojn kaj ĝuis la manĝaĵojn aŭ trinkaĵojn de la kafejo.
Krom la paroladoj estis eta librofoiro, kaj kelkaj komencantoj povis aĉeti vortarojn aŭ lernolibrojn por sia studado. Inter la novaj partoprenantoj estis kaligrafia instruistino s-ino Wu Meilian, kiu aĉetis kelkajn librojn por si mem kaj montris sian entuziasmon lerni Esperanton. Bonan sukceson al ŝi!
En la parko okazis paralele foiro pri la fruktoj kaj agrikulturaj produktaĵoj de Pingdung Gubernio. Estas ĝusta tempo de frukto Lianwu (Vaksa pomo). La plej bona varianto de tiu frukto, kiu nomiĝas “Nigra Perlo“, kostas je 900 tajvanaj dolaroj (30 usonaj dolaroj). Mi aĉetis kontente ne multekostan varianton de la sama frukto (8 pecoj), kiu kostis al mi nur je 100 tajvanaj dolaroj. Krom la ekspoziciado estis ankaŭ scenejoj de muziko, danco kaj kantado. Mi aparte ŝatis vidi la spektaklojn de indiĝena teamo.
Mi esperas, ke la pingdung-a amikaro de Esperanto nepre okazigu la kunvenon ĉiumonate. La venonta monata kunveno estos jam decidita. La februara kunveno estos tre bunta, pro internaciaj gastoj el Koreio, Vjetnamio, Kanado ktp. ankaŭ partoprenos en la renkontiĝo. Bonvolu atendi la novan anoncon pri la baldaŭa programo.

关键字：


2018/1/16